Co Op Knock

A Memory of Kilbirnie.

its many a lang and weary day since 1889 when a cam tae kilbirnie toon tae let folk see the time. theres lots o things that i hae seen, keep mind am tellin ye especially oan a satrday night an no through drinking tea. yon institute that stauns ower there was gifted for your pleasure and folks they cam fae far and near tae spend an oor a leisure. the robert knox memorial hall wae its bricht shining light is there for wan an a tae see an guide yi hame at night. the brig itsel has chinged a bit, its been made fairly wide tae cope wae extra traffic fae largs an west kilbride. the thackit hoose that stood against the brig has been knocked doon, a mission halls been bilt ower there for the gid folk a the toon. a picture and cafe is whaur bridgend mansion stood fur tae entertain the blasties when thet are in the mood. forbye the numerous chinges that just had tae tak place av seen the auld folk slip awa an weel a kent there face. last winter some bad boys they pelted me wae snaw, they stopped ma hauns fae goin roon a lost an oor or twa,pleasant memories i hav o bygone days spent here, watchin a the people bringing in new year. as i luk doon ontae the road whar the pub an smiddy stood an ken ma day is drawin near when al be gaun for good, when that day comes an they decide tae scrap the auld co-cp knock, remember me when i am gone, GUIDBYE KILBIRNIE FOLK.